Debate sobre os novos procesos de selección laboral e as redes sociais

A xornada Que esperan de ti as empresas? Os novos procesos de selección e redes sociais, está dirixida a alumnado de últimos cursos de grao e máster e a persoal investigador e titulados recentes da USC, que deberán inscribirse previamente.

Entre outras cuestións, achegaranse claves para coñecer e identificar cómo chegar aos ‘ potenciais clientes’ (empresas e recrutadores) e trasmitirlles unha mensaxe convincente e aprender a posicionarse axeitadamente nas redes profesionais.

Como relatores intervirán o director de Galicia Business School, Eduardo García Erquiaga; a directora de Servicio Regional ADECCO, Delia Rodríguez Blanco; e o director de negocios de Servitalent e profesor asociado de Galicia Business School, Alberto Fernández Varela.

A marca persoal

A Área de Orientación Laboral da USC organiza ademais para o mércores 20 unha charla dirixida a alumnado de último curso e titulados recentes sobre a importancia da marca persoal e o valor diferencial para dirixir a carreira profesional.

A actividade correrá a cargo de Verónica Ramallal, CEO da axencia creativa Pekecha, que explicará cómo converter as rarezas persoais en virtudes, xestionar a propia imaxe profesional nas redes sociais, conseguir ser a opción seleccionada e ser vistos como se desexa profesionalmente.

O obradoiro será o día 20 de 16:30 a 20:30 horas na Aula 6 da Facultade de Relacións Laborais e aínda que é gratuíto se precisa inscrición previa.