A Compañía de Blanca Marsillach viaxa a Galicia cunha obra de teatro para persoas con discapacidade

Estes personaxes, a piques de perder a razón, móstrannos a sociedade da época e como moitas veces o ser humano déixase levar polo seu carácter sen importarlle os seus intereses.
A segunda parte ten tamén unha duración de 40 minutos e consta duns talleres co público asistente recreando partes da representación a través de xogos e técnicas teatrais, adaptadas para público discapacitado. O obxectivo é que poidan sentir nas súas propias carnes como é ser actor e, desta maneira, integrarse cos actores profesionais e superar os seus posibles medos encima das táboas.

Tras varios anos colaborando con Varela Producións, a Xunta de Galicia segue apostando co seu compromiso polo teatro social. Para Blanca Marsillach, produtora e impulsora destas iniciativas escénicas, “é moi importante que se impulse este tipo de teatro, xa que supón unha ferramenta terapéutica para as persoas con discapacidade.

VARELA PRODUCIÓNS E A CÍA DE TEATRO DE BLANCA MARSILLACH

Varela Producións é unha empresa formada no ano 2003 pola actriz Blanca Marsillach e a empresaria Elise Varela. Teñen producido, adaptado e montado varias obras, como "La noche al desnudo", de Michael Weller; "Con las alas cortadas", de John Godber; "El reino de la tierra", de Tennessee Williams, e "Pareja abierta", de Dario Fo. Elise Varela debutou como escritora coa obra "Buscando a Hilary", protagonizada por Branca Marsillach, a partir da cal xurdiu a idea de introducir un cambio na compañía e producir teatro social.

Desde o ano 2008 impulsan varios programas de teatro interactivo para persoas con capacidades diferentes, coa esperanza de que desenvolvan habilidades psicomotrices e sociais, así como o pensamento creativo: "Poesía en movimiento", "Sainetes de los hermanos Álvarez Quintero", "Enamórate de Lope", "Yo me bajo en la próxima, ¿y usted?", "Textos de Chekhov", etc. O compromiso con este colectivo é tal que a finais de 2014 decidiron dar un paso máis e estrearon no Teatro La Latina "Yo me bajo en la próxima, ¿y usted?" cun elenco mixto de actores e actrices con e sen discapacidade, e en setembro de 2015 chegaron a realizar unha tempada no Teatro Fernán Gómez.

Algunhas das últimas apostas de Varela Producións, Cía. de Blanca Marsillach foron pola integración social con dúas obras: "Viajando con Marsillach", dando a oportunidade a persoas en risco de exclusión social de participar desde os seus inicios na produción dunha obra de teatro e "Entre versos y Marsillach", un proxecto para integrar ás persoas maiores nas artes escénicas.