A sesión monográfica 'Cerebro e liberdade' abre en setembro unha nova edición das NerdNites

O investigador Ramón y Cajal no Instituto de Neurociencias de Alacante José P. Lóppez Atalaya, abrirá a quenda de intervencións co relatorio ‘Libre albredío: ¿un engano da consciencia?’. Ao seu remate, Fernando, de Castro, científico titular do Instituto Cajal de Madrid, ofrecerá a charla ‘Liberdade, divino cerebro’.

A profesora de Investigación do Instituto de Investigacións Biomédicas August Pi i Sunyer (Idibaps) de Barcelona María V. Sánchez-Vives, tratará nesta primeira NerdNite do curso 2019-20 as posibilidades do control do cerebro por ordenador nunha charla titulada ‘O futuro xa está aquí: o sentido de axencia e de responsabilidade no control mediante interface cerebro-ordenador’.

Esta xornada monográfica sobre cerebro e liberdade chegará ao seu colofón no Riquela coa intervención do profesor da Facultade de Ciencias da Saúde da UDC Casto Ribadulla, que ofrecerá a charla ‘Non es ti, son as circunstancias amigo’.