Arranca o Ateneo Barroco de Santiago co ciclo de cinema-documental-musical

Este documental creado en directo ilustra a presenza da arpa no cine clásico (dende as arpas do antigo Exipto até as modernas arpas de pedais). O acto terá lugar o martes 1 de outubro na sede de Afundación na Rúa do Vilar compostelá ás 20.00h con entrada libre até completar o aforo do local.

A achega deste miniciclo titulado “Cinema, Doc, Música” complétase ao día seguinte, o martes 2 de outubro cunha dobre sesión de documentais musicais a partir das 18.30h. Proxectaranse sucesivamente senllos documentos audiovisuais que, con Londres como lugar común, están dedicados á obra de dúas das máis salientables figuras do Barroco e da historia da música, Johann Sebastian Bach e Georg Friedrich Haendel.

Este novo Festival de música para Santiago de Compostela é unha iniciativa do Ateneo de Santiago, incluído no programa O teu Xacobeo da Xunta de Galicia e patrocinado pola Deputación da Coruña e o Concello de Santiago, ademais de contar coa colaboración da Universidade de Santiago.