O Campionato Galego de Campo a Través alevín, infantil e cadete conta con preto de catrocentos participantes
O Campionato Galego de Campo a Través das categorías alevín, infantil e cadete, que se celebra o día 18 de febreiro no Monte do Gozo, acolle a case 400 atletas e 48 equipos. Presentouse oficialmente a proba na que participaron o director xeral para O Deporte, Santiago Domínguez OIveira; o presidente da Federación Galega de Atletismo, Sergio Vázquez; o concelleiro de Deportes do Concello de Santiago, Manuel Portas, e o delegado territorial de Coca-Cola –empresa patrocinadora do evento-, Juan Díaz.
O director xeral para O Deporte destacou que “estas son as probas que realmente nos gustan, as que queremos mimar, coidar e acompañar. A nosa preocupación fundamental é o apoio ao deporte de base e ademais estes rapaces e rapazas son a antesala dos que o día de mañá van representar a Galiza por todo o Estado español e incluso por Europa”. O responsábel deste departamento subliñou tamén que “o atletismo é a base máis importante do desenvolvemento deportivo e dentro da remodelación que estamos a realizar do deporte escolar, o atletismo terá un lugar primordial”.
O campionato celébrase o sábado 18 de febreiro, a partires das 11:30 horas e está previsto que todo remate as 14 horas coa entrega das medallas. Para chegar ata aquí, os nenos tiveron que clasificarse en probas anteriores. Durante os meses de novembro, decembro e xaneiro celebráronse nas distintas comarcas galegas un total de 79 probas correspondentes ás fases clasificatorias. Durante o cursos 2005/06 participaron nas diferentes fases un total de 18.408 escolares de toda Galiza e de 769 entidades, entre centros de ensino, clubs e asociacións deportivas.
Gómez Noia. Os medios de comunicación presentes no acto aproveitaron para interrogar ao director xeral sobre a situación do triatleta galego Javier Gómez Noia, que segue esperando a resolución do Consejo Superior de Deportes para poder competir en España. Domínguez Olveira manifestou que “esperamos que a resolución, que previsiblemente será positiva, sexa oficial nas próximas horas e o podamos anunciar xunto ao atleta”.
O director xeral para O Deporte destacou que “estas son as probas que realmente nos gustan, as que queremos mimar, coidar e acompañar. A nosa preocupación fundamental é o apoio ao deporte de base e ademais estes rapaces e rapazas son a antesala dos que o día de mañá van representar a Galiza por todo o Estado español e incluso por Europa”. O responsábel deste departamento subliñou tamén que “o atletismo é a base máis importante do desenvolvemento deportivo e dentro da remodelación que estamos a realizar do deporte escolar, o atletismo terá un lugar primordial”.
O campionato celébrase o sábado 18 de febreiro, a partires das 11:30 horas e está previsto que todo remate as 14 horas coa entrega das medallas. Para chegar ata aquí, os nenos tiveron que clasificarse en probas anteriores. Durante os meses de novembro, decembro e xaneiro celebráronse nas distintas comarcas galegas un total de 79 probas correspondentes ás fases clasificatorias. Durante o cursos 2005/06 participaron nas diferentes fases un total de 18.408 escolares de toda Galiza e de 769 entidades, entre centros de ensino, clubs e asociacións deportivas.
Gómez Noia. Os medios de comunicación presentes no acto aproveitaron para interrogar ao director xeral sobre a situación do triatleta galego Javier Gómez Noia, que segue esperando a resolución do Consejo Superior de Deportes para poder competir en España. Domínguez Olveira manifestou que “esperamos que a resolución, que previsiblemente será positiva, sexa oficial nas próximas horas e o podamos anunciar xunto ao atleta”.
Gabinete de Comunicación da Consellería de Cultura e Deporte da Xunta de Galicia
