Regreso da expedición de Carral a Candanchú

Esta viaxe, enmarcada dentro do programa “Campaña de esquí 2006”, foi organizada pola Excma. Deputación da Coruña en colaboración cos concellos da provincia.

Tras unha semana de deporte, xogos, visitas culturais, etc., os participantes, aínda que cansados, amosáronse entusiasmados, e agardando repetir a viaxe no 2007. Durante esta semana, os nenos/as fixeron todo tipo de actividades lúdico-deportivas e culturais, pero sobre todo aprenderon a esquiar. Durante dúas horas diarias, tódalas mañás, tiveron clases de esquí con monitores especialistas que os distribuíron en grupos segundo o seu nivel. Despois de comer, os rapaces tiñan unhas horas libres para practicar todo o aprendido durante a mañá.

Ademais disto, tiveron tamén a posibilidade de visitar a pista de xeo, a cidadela fortificada e ata de disfrutar dunha xornada de compras pola cidade oscense.

O concelleiro de deportes, Jesús Raso López mostrouse enormemente satisfeito polo enorme éxito acadado pola convocatoria realizada polo concello, que incrementou en máis dun 80 % o número de inscritos con respecto o ano pasado.