A galega Inés Abril, premio no XXII Salón Internacional do Club Gourmets

A chef galega Inés Abril obtivo o premio á Mellor Presentación no XXII Salón Internacional del Club Gourmets, que se desenvolveu en Madrid. Este salón naceu como o punto de encontro entre fabricantes e consumidores dos produtos alimentarios de alta gama e converteuse no evento de referencia no sector da gastronomía de calidade.

O director xeral de Turismo da Consellaría de Innnovación e Industria, Rubén C. Lois, asistiu ao devandito salón para apoiar á representante galega, do restaurante Maruja Limón de Vigo. A galega representou a Galiza logo de gañar o IX Campionato Galego de Cociñeiros, que se celebrou o 11 de marzo no Centro Superior de Hostalería de Galicia, adscrito a Turgalicia.