A rede de aulas CeMIT prevé superar os 96.000 usuarios o vindeiro ano
A directora da Axencia para a Modernización Tecnolóxica de Galicia (Amtega), Mar Pereira, inaugurou o encontro agradecendo aos responsables das aulas CeMIT, formadores e dinamizadores o labor na capacitación dixital dos galegos. Neste sentido, a responsable da Axencia autonómica destacou que se cumpriu cun ano de adianto o obxectivos proposto hai tres anos de superar a porcentaxe do 75% dos galegos que acceden a Internet. Os últimos datos do INE sitúan esta porcentaxe xa no 84% a día de hoxe
Mar Pereira resaltou especialmente o incremento no acceso a internet entre os maiores de 55 a 64 anos, que creceu 15 puntos, só no último ano, e lembrou que entre a poboación máis nova, por debaixo dos 35 anos, o uso de Internet é practicamente universal na Comuniade.
Tamén adiantou que a Rede CeMIT continuará sendo un instrumento fundamental para para acreditar os coñecementos en base ao novo Marco Galego de Competencias Dixitais, que aprobará proximamente o Goberno galego.
Xornada de balance e intercambio de ideas
Ao longo da maña, as instalacións da Cidade da Cultura convertéronse nun espazo para fomentar a metodoloxía de traballo participativa e colaborativa que, a través da experiencia da realidade do día a día da Rede, axude a debuxar novas propostas, novos retos e dar impulso á figura de “axentes do cambio” dos dinamizadores das aulas CeMIT.
Ademais, fíxose balance dos traballos realizados e obxectivos acadados no marco do Plan de inclusión Dixital, identificáronse as actuacións programadas para o horizonte 2020, e tamén se presentaron as novidades da Lei de Administración Dixital de Galicia (LEDIXGA), no correspondente ao Marco de Competencias Dixitais de Galicia e ao papel da Rede CeMIT neste novo contexto.
A Rede CeMIT e o Plan de Inclusión Dixital
A Rede CeMIT é unha iniciativa posta en marcha pola Amtega e conta coa colaboración de 92 concellos e 53 comarcas e está integrada por 98 aulas, co obxectivo común de transformar á cidadanía galega nunha sociedade plenamente integrada na sociedade dixital.
A rede é un dos instrumentos principais do Plan de Inclusión Dixital de Galicia para ofrecer a cidadanía recursos de capacitación dixital en función do seu nivel de coñecemento e conta con máis de 800 aliados dixitais.
Ademais do Plan de Formación, a Rede CeMIT desenvolve campañas de sensibilización e divulgación da importancia e beneficios das TIC entre a cidadanía, empresas e outros colectivos coa organización de cursos, charlas e outras actividades.
Paralelamente, os centros da Rede contan cun servizo de “titorización”, que posibilita o acceso libre e de balde dos usuarios e usuarias para a utilización do equipamento co apoio e asesoramento dun axente especializado.
Mar Pereira resaltou especialmente o incremento no acceso a internet entre os maiores de 55 a 64 anos, que creceu 15 puntos, só no último ano, e lembrou que entre a poboación máis nova, por debaixo dos 35 anos, o uso de Internet é practicamente universal na Comuniade.
Tamén adiantou que a Rede CeMIT continuará sendo un instrumento fundamental para para acreditar os coñecementos en base ao novo Marco Galego de Competencias Dixitais, que aprobará proximamente o Goberno galego.
Xornada de balance e intercambio de ideas
Ao longo da maña, as instalacións da Cidade da Cultura convertéronse nun espazo para fomentar a metodoloxía de traballo participativa e colaborativa que, a través da experiencia da realidade do día a día da Rede, axude a debuxar novas propostas, novos retos e dar impulso á figura de “axentes do cambio” dos dinamizadores das aulas CeMIT.
Ademais, fíxose balance dos traballos realizados e obxectivos acadados no marco do Plan de inclusión Dixital, identificáronse as actuacións programadas para o horizonte 2020, e tamén se presentaron as novidades da Lei de Administración Dixital de Galicia (LEDIXGA), no correspondente ao Marco de Competencias Dixitais de Galicia e ao papel da Rede CeMIT neste novo contexto.
A Rede CeMIT e o Plan de Inclusión Dixital
A Rede CeMIT é unha iniciativa posta en marcha pola Amtega e conta coa colaboración de 92 concellos e 53 comarcas e está integrada por 98 aulas, co obxectivo común de transformar á cidadanía galega nunha sociedade plenamente integrada na sociedade dixital.
A rede é un dos instrumentos principais do Plan de Inclusión Dixital de Galicia para ofrecer a cidadanía recursos de capacitación dixital en función do seu nivel de coñecemento e conta con máis de 800 aliados dixitais.
Ademais do Plan de Formación, a Rede CeMIT desenvolve campañas de sensibilización e divulgación da importancia e beneficios das TIC entre a cidadanía, empresas e outros colectivos coa organización de cursos, charlas e outras actividades.
Paralelamente, os centros da Rede contan cun servizo de “titorización”, que posibilita o acceso libre e de balde dos usuarios e usuarias para a utilización do equipamento co apoio e asesoramento dun axente especializado.
R.