Ir o contido principal
iniciar sesión

Notas

  • Os Bolechas visitan unha galería de arte na súa nova xira de teatro
    Bisavós e bisavoas, tataravós e tataravoas, familiares prehistóricos… os antepasados dos Bolechas regresan nesta nova aventura plasmados no lenzo. A nova obra de teatro “Os Bolechas en Familia visitan unha galería de arte” chega aos teatros de toda Galicia. Neste teatro de monicreques, os irmáns visitan unha galería na que coñecen a un pintoresco personaxe que realiza unha poxa de cadros, entre os que destacan algúns de artistas moi coñecidos: Castelao, Lugrís, Piccasso e algún petróglifo.
  • O proxecto eTwinning e as metodoloxías colaborativas melloran a educación e axudan a combater o despoboamento
    O proxecto eTwinning, promovido pola Comisión Europea co obxecto de fomentar a colaboración entre centros educativos a través do uso das TIC e a promoción de metodoloxías activas e inclusivas, antóllase como unha ferramenta axeitada para potenciar a investigación e a innovación educativa, segundo subliñou Eduardo José Fuentes Abeledo na apertura das xornadas internacionais Forinnova Lite.
  • A Cátedra Telefónica-UVigo celebrará unha xornada sobre talento e innovación na era da transformación dixital
    A sociedade actual enfróntase a enormes desafíos, como o quentamento global, a sobreexplotación dos recursos, a desigualdade ou a seguridade, entre outros. A innovación e o talento son claves para atopar solucións disruptivas, sostibles e tecnolóxicas a estes retos e, neste contexto é prioritario aproveitar as oportunidades que brindan as novas tecnoloxías para impulsar a produtividade, aumentar as prestacións de produtos e servizos e mellorar e modernizar as xestións.
  • Un equipo internacional codirixido desde a UVigo identifica os restos de Homo erectus máis antigos, que modifican a cronoloxía da evolución humana
    Un equipo internacional multidisciplinar liderado por Eduardo Méndez Quintas (Universidade de Vigo) e Margherita Mussi (Universidade La Sapienza de Roma) acaba de presentar os restos máis antigos coñecidos ata o momento da especie Homo erectus: o fragmento mandibular dun individuo infantil, ao que denominan Garba. Os restos foron atopados anos atrás no xacemento de Melka Kunture (Etiopía) pero non foi ata o de agora que se identificaron como da especie Homo erectus.
  • A UDC organiza o Foro Avanza, cunha feira de emprego, para poñer en contacto ao alumnado e empresas demandantes de persoal
    A Vicerreitoría de Estudantes, Participación e Empregabilidade da Universidade da Coruña organiza unha nova edición do Foro Avanza, para favorecer a empregabilidade das persoas tituladas da UDC. O Foro ten dúas partes, a primeira, máis formativa, terá lugar na Facultade de Economía e Empresa os días 24 e 25 de outubro. Desenvolveranse charlas e obradoiros relacionados coa empregabilidade.
  • O CORNO, de Jaione Camborda, chega a 82 salas de cine en versión orixinal galega
    O CORNO, a segunda longametraxe da directora e guionista Jaione Camborda, estréase este mércores 11 de outubro nun total de 82 salas en todo o territorio español, 24 delas en Galicia. Trátase da maior estrea en salas dun filme en versión orixinal galega da historia. Unha sala chea dos Cantones Cines da Coruña recibiu o equipo da película para a estrea comercial do filme. O CORNO foi a película gañadora da Cuncha de Ouro á mellor película no 71º Festival Internacional de Cine de San Sebastián.
  • As universidades públicas galegas realizan un chamamento ás empresas para que incorporen o galego na súa actividade
    A conmemoración na USC do Día da Galeguidade Empresarial serviu de marco para que as tres universidades públicas galegas subscribisen un pronunciamento sobre “a necesaria incorporación da lingua galega ao mundo empresarial”. O chamamento realizouse nun acto institucional que se desenvolveu este martes 10 no Salón Nobre do Colexio de Fonseca.
  • Ourense acollerá o 23º Congreso Internacional de Galicia e Norte de Portugal de Formación para o Traballo
    Durante os días que terá lugar o evento preténdese traballar os retos da interseccionalidade social, tecnolóxica e persoal na formación, a orientación e o emprego, así como de reflexionar sobre a necesidade de innovar e prever liñas de investigación ante os posibles riscos do seu impacto na empregabilidade das persoas nun contexto no que a Intelixencia Artificial comeza a emerxer como unha realidade que afectará ao autodesenvolvemento ao longo da vida.
  • Creatividade emerxente, reflexión e debate danse a man no Outono Cultural da USC
    Música, teatro, danza, exposicións, faladoiros, cursos ou propostas audiovisuais integran a programación do Outono Cultural, unha iniciativa que abrangue a meirande parte da acción da USC en materia de cultura neste primeiro período do ano. Esta nova programación leva aos campus de Santiago e Lugo múltiples propostas dirixidas ao alumnado da USC pero abertas, na súa maioría, ao conxunto da cidadanía.
  • Sevilla e Ferrol acollen do 3 ao 6 de outubro o IV Congreso Iberoamericano de Enxeñaría Naval
    O Global Omnium Auditorio e o Peirao XXI situado nas instalacións do Acuario de Sevilla acolle desde o martes 3 ata o xoves 5 de outubro o IV Congreso Iberoamericano de Enxeñaría Naval que organiza o Instituto Panamericano de Enxeñaría Naval Américas en colaboración coa Cátedra Ghenova – Universidade da Coruña e no que participan máis de 350 entidades.