Notas
-
Como cada verán dende hai seis anos, o Cinbio, Centro de Investigación en Nanomateriais e Biomedicina, celebrará entre os días 20 e 21 de xullo o seu Annual Meeting. Esta cita, organizada polas investigadoras e investigadores de posdoutoramento do centro, ten como obxectivo reunir científicas e científicos interesados nas áreas de química, bioloxía, medicina, física, matemáticas e informática, apostando así por unha xuntanza de carácter interdisciplinario. -
A conferencia da secretaria de Estado de Cooperación Internacional, Pilar Cancela, sobre a cooperación española no marco da Axenda 2030 abriu esta mañá no Paraninfo da Reitoría a Semana Internacional da Universidade da Coruña, na que participan preto de cen profesores e persoal de administración e servizos de universidades de máis de vinte países. -
A Mostra Internacional de Teatro Universitario de Vigo, Miteu, celebra este ano as súas vodas de prata, 25 anos de representacións que, ano tras ano, achegan ao público galego os traballos das aulas teatrais de universidades dos cinco continentes. A nova edición arranca o vindeiro mércores día 29 ás 18.30 horas no Teatro Roberto Vidal Bolaño da Cidade Universitaria e estará dedicada en exclusiva ao teatro universitario galego. -
Empregar as propostas artísticas como elemento de reflexión que promova o espírito crítico do alumnado impregna a filosofía da I Primavera Cultural da USC, 'un programa compacto que concentra a maioría de propostas culturais impulsadas dende a Universidade, integrando baixo un mesmo paraugas as iniciativas que levamos anos desenvolvendo xunto con outras novas a cargo de artistas emerxentes'. -
Ortiga e Dani, nomes artísticos de Manuel González, alias Chicho, e Daniela Díaz Costas, conforman o cartel de Sonora `2.3, o festival das novas músicas da UVigo que se celebrará o 13 de abril a partir das 17.30 horas no teatro Vidal Bolaño de Cidade Universitaria do campus vigués. Dani será a primeira en subir ao escenario do Vidal Bolaño a partir das 17.30 horas, mentres que Ortiga comezará a súa actuación unha hora máis tarde. A entrada é libre e gratuíta ata completar a capacidade do teatro. -
Preto de cen profesores e persoal de administración e servizos de universidades de máis de vinte países participarán na Semana Internacional da Universidade da Coruña que terá lugar do 27 ao 31 de marzo. O Paraninfo da UDC acollerá o día 27 o acto de inauguración, e a clausura da o venres 31, mentres o resto das actividades terán lugar na Facultade de Ciencias da Educación. -
O proxecto iRead4Skills centrarase en avaliar e reducir as carencias en competencias lectoras das persoas adultas con baixo nivel de alfabetización, promovendo así o desenvolvemento das súas competencias fundamentais e transversais. O Centro Singular de Investigación en Tecnoloxías Intelixentes da USC (CiTIUS) axuntará esforzos con outras sete institucións europeas para mellorar este tipo de formación. -
O lobo feroz xa non se agocha baixo o disfrace de avoa, agora agarda as súas vítimas escondido nas redes sociais. E é que aínda que a sociedade ten avanzado moito no eido da igualdade e da diversidade de xénero, 'as carapuchiñas do século XXI non se libran do acoso dos lobos a través das pantallas'. -
O festival A Revolta do Umia ven de anunciar oficialmente o cartel provisional da súa VI edición. Na nómina de bandas confirmadas inclúense a Ortiga, Monoulious Dop, Loita Amada, Eladio y los seres queridos, Mundo prestigio, Fillas de Casandra, Solar Corona, Aphonnic, Igloo, Dani, Gator the Alligator, Dharmacide, Copa turbo, Duendeneta e Xaby dj. -
Máis de 35 empresas e 350 estudantes e persoas recén tituladas, ás que se suman moitos outras que están a pasar polas casetas sen inscribirse previamente. Así arrancou na Facultade de Ciencias Económicas e Empresariais da UVigo a II edición de EMPREGOinCAMPUS, a gran cita co emprego universitario, herdeira dos foros de emprego que se viñan organizando en distintos centros do campus de Vigo coma de Ourense, e dos organizados pola propia Vicerreitoría de Estudantado e Empregabilidade.
- « primeira
- ‹ anterior
- …
- 34
- 35
- 36
- 37
- 38
- 39
- 40
- 41
- 42
- …
- seguinte ›
- última »
