Ir o contido principal
iniciar sesión

Novas

  • Conde destaca que Galicia é a terceira comunidade que vai rexistrar un maior incremento de fondos para políticas de emprego
    O conselleiro de Economía, Emprego e Industria, Francisco Conde, salientou hoxe que Galicia vai recibir un total de 170 millóns de euros dos fondos de emprego dos Orzamentos Xerais do Estado, que supoñen un 8,7% máis que o pasado ano e que a converten na terceira comunidade que rexistra un maior incremento. Segundo precisou, son 13,3 millóns de euros máis cos que Galicia, grazas ao seu grao de cumprimento das políticas activas de emprego, duplica a media das comunidades autónomas no reparto de fondos, que é do 3,2%.
  • Educación publica o regulamento para a homologación e validación de títulos e estudos estranxeiros de ensinanzas non universitarias
    O D.O.G. ven de publicar o procedemento a seguir, ademais de determinar os efectos das homologacións e validacións, distribución de competencias entre departamentos e de regular prazos e documentación que se esixe en cada caso.
  • A Fundación Barrié e a Xunta de Galicia seleccionarán 25 propostas de investigadores galegos a través do programa Ignicia
    A Xunta e a Fundación Barrié veñen de asinar o convenio de colaboración para impulsar a segunda edición do programa Ignicia co obxectivo de seguir apoiando o acceso ao mercado de proxectos de investigadores galegos a través da análise e a elaboración dos plans de desenvolvemento e comercialización. Este acordo, segundo explicou o conselleiro de Economía, Emprego e Industria, Francisco Conde, dá continuidade ao subscrito en xaneiro de 2016 para o desenvolvemento da primeira edición desta iniciativa, que permitiu apoiar un total de 9 proxectos cun investimento de 4 millóns de euros en sectores como as TIC, o aeronáutico e a biotecnoloxía.
  • O venres 27 comezan na Catedral de Santiago as visitas ao Pórtico da Gloria
    A Catedral de Santiago asinou hoxe un convenio con Turismo de Galicia, a través do cal a Xunta de Galicia colaborará na primeira fase do plan de ordenación de visitas ao Pórtico da Gloria deseñado polo Cabido da Catedral de Santiago e que dará comezo o vindeiro venres 27 de xullo e se estenderá ata finais de setembro. Ao abeiro deste acordo, Turismo de Galicia fará posible que se dispoña dun equipo permanente de vixiantes de seguridade en todo o horario de apertura que se encargará de regular os fluxos de visitantes.
  • A liña de acción 'Xogar en Verde' da campaña 'Verdear' fomenta que os eventos deportivos sexan cada vez máis sustentables
    A Consellería de Medio Ambiente e Ordenación do Territorio fomentará que os eventos deportivos sexan cada vez máis sustentable, grazas a liña de acción Xogar en Verde. Trátase dunha iniciativa dentro da campaña Verdear é a actitude, posta en marcha pola Xunta de Galicia, co fin de afrontar os retos e valores de sustentabilidade. A conselleira de Medio Ambiente e Ordenación do Territorio, Beatriz Mato, visitou esta mañá un taller de fomento de recollida selectiva, no que participaron aos rapaces do campus da Asociación de Fútbol Aficionado da Coruña.
  • A MIT de Ribadavia remata cun récord de asistencia de espectadores
    A Mostra Internacional de Teatro de Ribadavia remata cun récord de asistencia de espectadores, chegando case ao 100% da ocupación das localidades no Castelo e cunha participación masiva nas rúas e nas actividades paralelas. O Premio do público recaeu na compañía A PANADARÍA, co espectáculo ELISA E MARCELA, superando por décimas á segunda máis votada, a mexicana Los Colochos con Mendoza. Esta edición destacou pola media alta de asistencia e valoración dos espectáculos, tamén pola proxección internacional e pola repercusión que a MIT está tendo en diversos ámbitos, do económico ao social.
  • Remata a primeira fase das reunións dos grupos de traballo para a elaboración da Estratexia da cultura galega 2021
    O grupo reunirase na Cidade da Cultura de Galicia para propoñer as liñas de actuación e os obxectivos para o sector. Participarán representantes das principais entidades e empresas audiovisuais de Galicia, entre elas, o Clúster Audiovisual Galego, a Academia Galega do Audiovisual, a Asociación Galega de Produtoras Independentes, a Asociación de Actores e Actrices de Galicia, o Centro Galego de Artes de Imaxe, a Corporación Radio e Televisión de Galicia, a Asociación Galega de Guionistas, a Asociación de Profesionais da Dirección e da Realización de Galicia (CREA), Vaca Films, CTV, Ficción Producciones, Zeitum Films e Agallas Films.
  • 81.000 asistentes de 42 países, 2.000 empregos xerados, e 0 incidencias, as cifras dun novo 'éxito rotundo' do Resurrection Fest
    Máis de 81.000 persoas de 42 países abarrotaron a pasada semana o Concello de Viveiro co Resurrection Fest, xerando uns 2.000 empregos directos e indirectos, e sen ocasionar ningún tipo de incidente durante os catro días que durou a cita. Así o avanzou este mércores, na localidade mariñá, o Deputado de Relacións Institucionais, Álvaro Santos Ramos, xunto á Alcaldesa de Viveiro, María Loureiro García, e o Director do Festival, Iván Méndez Rodríguez. Santos Ramos apuntou que “un ano máis podemos cualificar de éxito rotundo o Resurrection Fest, pois durante catro días 81.350 persoas de 42 nacionalidades diferentes participaron no que xa é o festival de música metal e rock máis importante de España, e un dos máis relevantes de Europa".
  • 110 novos centros incorporan o Libro Dixital no vindeiro curso 2018/19, con 18.000 alumnos beneficiados en toda Galicia
    Un total de 110 centros escolares incorporarán o libro dixital nas súas aulas o próximo curso 2018/19, polo que o proxecto de educación dixital E-Dixgal acada os 264 centros beneficiados (un 70% máis que o curso pasado) e chegará a 18.000 alumnos (40%). Todos eles -estudantes de 5º e 6º curso de Primaria e 1º e 2º de ESO- recibirán unha ensinanza completamente dixital. Do total dos 264 centros E-Dixgal, 91 son da provincia da Coruña (37 novos para o vindeiro curso), 47 de Lugo (22 novos), 19 de Ourense (11) e 107 de Pontevedra (40). Por ensinanzas, 162 incorporan o libro dixital en Primaria, 73 en Secundaria e outros 29 fano en Primaria e Secundaria.
  • Ortigueira pecha a 40 edición do seu Festival Internacional do Mundo Celta
    Os concertos de Airiños de Fene, os irlandeses Lúnasa e os Bretóns-Escoceses The Celtic Social Club pecharon onte á noite unha edición histórica cargada de emoción e lembranzas no seu 40º aniversario. Unha completa programación cultural e musical de 4 intensos días nos que pese á coincidencia na fin de semana con outros festivais, máis de 70.000 visitantes elixiron a música Celta. O protagonismo da Escola de Gaitas, fundadores do evento, así como do grupo Milladoiro, formación ligada ao festival desde os comezos fixo emocionarse a veciñanza e artistas.