Ir o contido principal
iniciar sesión

Novas

  • A mellor maxia do mundo chegará entre o 1 de agosto e o 15 de outubro aos principais teatros de Galicia
    Algunhas das propostas estrelas do festival serán as galas de maxia internacionais nas 7 grandes cidades galegas, os retos de maxia extrema en localizacións emblemáticas tamén nas principais cidades da comunidade, os espectáculos de maxia nas unidades de pediatría dos principais hospitais galegos e ademais levarase a cabo unha xira de maxia na rúa con espectáculos en máis de 100 concellos de Galicia. En total terán lugar 220 actuacións con máis de 30 artistas e concretamente, na provincia da Coruña estes espectáculos chegarán a 33 concellos, na oportunidade de poder ver nos principais teatros de Galicia a mellor calidade posible e os números máis premiados e recoñecidos por ilusionistas de todo o mundo.
  • O Noroeste Estrela Galicia programa 17 artistas que encherán de música con denominación galega os dez escenarios do festival
    A 35 edición do festival Noroeste Estrella Galicia encherá de boa música a cidade da Coruña entre 10 e o 14 de agosto, con 49 bandas, 51 concertos e 10 escenarios espallados por toda a cidade para darlle un carácter máis universal para chegar a todas as zonas da cidade. Estarán, entre outros, Baiuca e Zahara (Riazor), Dios ke che crew (Santa Margarita), Miguel Costas e Familia Caamagno (Campo da Leña), Néstor Pardo e Alfredo García (Plaza de Azcárraga), Nara is Neus & Sasha Smirnov, Musculo e CRNDS (Fundación Luís Seoane), Uxía Pedreira (Castillo de San Antón), Antonio Placer (Casa Casares Quiroga), Toccoro e Judah (A Cormelana), Festicultores e Brasica Rapa e moitos máis.
  • O programa Tece Redes en galego ofrece este verán 300 actividades familiares, xuvenís e infantís
    Entre as accións programadas, moi pronto poderemos gozar do cine na rúa con filmes como a produción galega Valentina ou Bella e o circo máxico, dirixido a nenas e nenos e no que se trata o tema da amizade no contexto da igualdade de xénero e a diversidade. Os máis cativos tamén se divertirán cos espectáculos O tranvía Leonardo, con monicreques e música; Toupiciencia Show e Lendo a Ciencia: Festiencia & Festiletras, nos que se fomenta a divulgación científica en galego; O porco de pé, que leva ao teatro a novela de Vicente Risco, ou Xela contra o dragón Traga-verbas, espectáculo que trata a importancia do uso cotián da lingua galega e da conservación da nosa identidade.
  • Presentado o cartel do Neox Music Day, que traerá á Coruña os artistas de maior renome da música urbana
    Presentouse o cartel do Festival Neox Music Day que será un referente ‑nesta segunda edición‑ da música urbana xa que contará coa participación dos artistas deste estilo de música de maior renome de ámbito nacional e internacional. Estamos a falar dun cartel composto por: Bizarrap, Hijos de la Ruina, Rels B, Bad Gyal, Ptazeta, Quevedo, D.L.Blando. A súa montaxe, en Expocoruña, engadirá un atractivo especial, tanto a nivel de condición acústicas como para poder sentir aos artistas na proximidade, factores ambos que darán un toque especial e peculiar ao festival.
  • Máis do 91% dos rapaces e rapazas galegas de 5 a 15 anos emprega dispositivos dixitais
    O nivel de dixitalización dos rapaciñ@s galegos en 2021 é moi alto. O 91,5% dos rapaciñ@s de 5 a 15 anos usaron dispositivos electrónicos no último ano (teléfonos móbiles con capacidade de conexión a internet, ordenador de sobremesa ou portátil, táblet e similares). O crecemento é do 9,3% nos catro últimos anos. Por idades, cabe salientar que a práctica totalidade (98,9%) dos rapaciñ@s de 10 a 15 anos empregan dispositivos electrónicos fronte ao 81,6% no caso dos máis pequen@s de 5 a 9 anos. En todos os indicadores de dixitalización, as diferenzas de xénero d@s rapaciñ@s son mínimas ou nulas pero os rapaces tenden a dispoñer antes de acceso a algúns dispositivos.
  • A sexta edición do 17º Ribeira Sacra celebrarase entre os días 28 e 31 en adegas, paraxes naturais e enclaves históricos
    A sexta edición do 17º Ribeira Sacra Festival ampliará neste 2022 a súa duración ao incorporar unha cuarta xornada ao seu programa. O cartel deste ano repartirá así entre o xoves 28 e o domingo 31 os concertos de 15 bandas que conforman unha selección de propostas de calidade, tanto do panorama nacional coma do internacional. Bandas e solistas como os británicos The Hanging Stars, os escoceses Teenage Fan Club, os israelís do grupo Lola Marsh, o vasco Amorante, a madrileña Alicia Wonder ou cataláns Manel actuarán nos diferentes escenarios.
  • A Rede Galega de Teatros e Auditorios ofrece ata decembro 201 funcións e concertos nos escenarios de 37 concellos
    A Rede Galega de Teatros e Auditorios pon en marcha hoxe a súa programación para o segundo semestre, durante o cal se celebrarán 201 actuacións escénicas e concertos nos 37 concellos adheridos a este circuíto de distribución de espectáculos que promove e coordina a Xunta. Deste xeito, superaranse no cómputo anual as 500 actuacións de teatro, maxia, danza, circo e música que ofrecerán 181 formacións artísticas no 2022 ao abeiro desta rede cofinanciada coas entidades locais asociadas, para o que se dispón dun orzamento global que supera os 1,8 millóns de euros.
  • A Cidade da Cultura acolle o V Festival de Bandas Infantís e Xuvenís de Galicia con arredor de 600 rapaces e rapazas de 12 agrupacións
    A Cidade da Cultura de Galicia acolleu a V edición do Festival de Bandas Infantís e Xuvenís de Galicia, no que arredor de 600 músicos novos, de 12 formacións musicais, interpretaron os repertorios elixidos para a ocasión. Participaron as Bandas Xuvenís da Banda de Música Municipal de Celanova, da Escola de Música de Salceda, e da Escola da Banda a Unión de Guláns, e as bandas das escolas da Agrupación Musical do Rosal e do Ateneo Musical de Bembrive. Tamén estiveron presentes a Xove Banda de Valga, a Unión Musical de Tenorio, a Banda Infantil e Xuvenil de Antas de Ulla e as bandas xuvenís de Santa Cruz de Ribadulla, Castrelo-Cambados e Lalín.
  • Paradela (Lugo), vai celebrar o seu bicentenario como Concello
    O mércores, 6 de xullo, Paradela dará comezo ás celebracións do seu Bicentenario como Concello, que se prolongarán ata mediados do próximo mes de decembro. Esta conmemoración tivo que ser adiada pola epidemia do Covid, celebrándose agora, neste Xacobeo prolongado, tendo moi presente que Paradela é un fito no Camiño Francés a Compostela. Inaugurarase o Monumento aos Cabaleiros de Santiago, obra de Cándido Pazos, e abriranse ao público tres exposicións, das que dúas itinerarán desde setembro polo Camiño, desde Pedrafota a Compostela.
  • Galicia rexistra un total de 14.982 casos activos por coronavirus. Un total de 628.919 pacientes xa están curados
    A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 14.982 deles 3.060 son da área da Coruña, 1.932 da de Lugo, 1.905 da de Ourense, 1.664 da de Pontevedra, 2.591 da área de Vigo, 2.717 da de Santiago e 1.092 da de Ferrol. Do total de pacientes positivos, 26 están en UCI, 643 en unidades de hospitalización e 14.313 no domicilio. Polo de agora, en Galicia hai un total de 628.919 persoas curadas, rexistrándose 3.603 falecementos. O número de PCR realizadas é de 3.935.125. O número de doses de vacina contra a covid-19 administradas é de 6.696.499.