Ir o contido principal
iniciar sesión

Novas

  • A filmoteca de Galicia abre ao público tras finalizar as obras de renovación con 'Tres' e 'O moderno Sherlock Holmes'
    A Filmoteca de Galicia reabre as portas da súa sala de cine José Sellier o vindeiro martes 27, tras concluír as obras de renovación. Situada na Casa da Cultura Salvador de Madariaga, a Filmoteca de Galicia mantén xa os seus servizos operativos e retoma agora a súa intensa carteleira de proxeccións, función que sustenta xunto ao labor arquivístico, á conservación do noso patrimonio audiovisual, á difusión da creación cinematográfica e á posta en valor da produción galega a actividade desta institución dende a súa fundación en 1991. A sesión inaugural celebrarase o martes 27 cunha dupla sesión.
  • Presentada a quinta edición do Festival Underfest en Vigo, consolidado como referente do outono musical en Galicia
    Foi presentada a quinta edición do Festival Underfest SON Estrella Galicia que chega de novo ás salas vigueses entre o 22 e o 24 de setembro como referencia do outono musical galego. Os escenarios escollidos nesta ocasión para este festival cun total de 18 artistas son o Auditorio Mar de Vigo, o Museo MARCO, a Sala Kominsky, La Iguana, Mogambo, Radar, Reserva e Masterclub. O británico Michael Kiwanuka, recoñecido como unha das mellores voces do soul actual e encomiado por prensa e público, encabeza o cartel desta edición. Ademais, existirán interesantes propostas como a dos belgas Goose, o londinense PM Warson, a espectacular cantante americana Sarah McCoy ou os suecos Diamond Dogs.
  • O Centro Dramático Galego e Ainé Producións unen teatro e xornalismo para afondar na cara oculta do fútbol na obra 'Recortes, caneos e outras formas de driblar'
    O Centro Dramático Galego e Ainé Producións estrearán o 29 de setembro no Salón Teatro de Santiago de Compostela 'Recortes, caneos e outras formas de driblar', espectáculo que abordará tanto a dimensión visible como a cara oculta do mundo do fútbol. O espectáculo mestura xornalismo, deporte e teatro nunha proposta escénica que xorde dun libro inédito de Nacho Carretero, dirixida por Tito Asorey, e que conta coa dramaturxia de José L. Prieto.
  • O canto tradicional xaponés, o jazz, e a música contemporánea protagonizan as Matinais Musicais de outono na Cidade da Cultura
    A Cidade da Cultura programa tres novos concertos do ciclo Matinais Musicais para este outono que achegan ao público as últimas creacións musicais de vangarda, o jazz e impulsan o diálogo entre Xapón e Galicia a través da música. Serán tres actuacións nas mañás dos domingos o 25 setembro, o 23 de outubro e o 27 de novembro e as entradas pódense adquirir xa a través de Ataquilla. As Matinais Musicais arrincan con Aruku – Camiñar e a cantante Ryoko Aoki, figura internacional do teatro Noh, unha das manifestacións máis antigas do drama musical xaponés.
  • O ciclo de conferencias sobre María Casares 'Do exilio ao escenario' reanúdase o mércores con Tina Sainz e José Luis Méndez Romeu
    O ciclo de conferencias 'María Casares. Do exilio ao escenario' organizado pola Xunta co gallo do centenario da actriz continúa este mércores 21 coas intervencións de Tina Sainz, grande amiga da artista coa que compartiu proxectos escénicos, e José Luis Méndez Romeu, que ten investigado sobre a súa figura. Este ciclo prolóngase ata finais de ano en distintas xornadas cunha ducia de intervencións protagonizadas por personalidades relevantes do mundo das artes e da cultura que coñeceron desde a proximidade o traballo e o legado da artista homenaxeada.
  • A Sala Ártika de Vigo presenta a súa oferta cultural até final de ano, con 50 funcións de 23 compañías de artes escénicas
    A Sala Ártika ofrecerá até final de ano 50 funcións a cargo de 23 compañías diferentes, tanto de procedencia galega coma do exterior. O recinto situado na rúa Beiramar da cidade olívica incluirá, ademais, actuacións enmarcadas en tres festivais e ciclos diferentes: o III Comediátriko, o XX Circuíto da Rede Alternativa de Teatros e o VIII Festival Pequeártiko de Nadal.
  • Galicia contará cun plantel de profesorado con 500 docentes máis que antes da pandemia e os mesmos que o pasado curso
    O sistema educativo galego vai contar este ano con 30.534 docentes, cifra que confirma que este curso hai máis profesorado que o último antes da pandemia e os mesmos que o curso pasado, cumprindo así co manifestado nas últimas semanas polo conselleiro de Cultura, Educación, FP e Universidades, Román Rodríguez, malia estar nun contexto de caída demográfica con 15.000 alumnos menos nas etapas de Infantil e Primaria. Confírmase así un incremento de 493 docentes con respecto ao curso 2019-20, o último antes da pandemia, e de 11 respecto do ano pasado.
  • Falece aos 90 anos Saleta Goy, viúva do escritor Manuel María
    No serán do sábado, faleceu na cidade da Coruña, Saleta Goy, a viúva do escritor Manuel María e Presidenta da Fundación que acolle o legado do poeta na Casa-Museo Manuel María en Outeiro de Rei (Lugo). Os seus restos serán velados no tanatorio de Servisa da Coruña e o luns realizarase na Casa-Museo en Outeiro de Rei, unha despedida civil, ás 17 hrs, previo a recibiren sepultura, ás 18 hrs, no cemiterio de San Xoán de Outeiro de Rei. Os seus restos repousarán xunto aos do escritor Manuel María falecido no ano 2004, con quen compartiu 45 anos de vida e de intensa actividade cultural. Saleta Goy García cumpriu 90 anos o 6 de xuño e vivía na cidade da Coruña desde que en 1998 se trasladou alí, xunto a Manuel María, cando chegou á idade de xubilación.
  • Rueda anuncia el impulso de un nuevo programa de movilización de viviendas con incentivos para los propietarios que alquilen sus inmuebles a precios accesibles
    El Gobierno gallego impulsará este año un nuevo programa de movilización de viviendas para el alquiler, Viviendas Vivas, con el objetivo de facilitarle a la ciudadanía el acceso a un hogar a precios accesibles dada el alza "de las rentas de alquiler de las viviendas y la escasez de inmuebles que están destinados para tal fin". De esta forma, la Xunta espera que, en una primera fase, "entre 250 y 300 inmuebles" que actualmente no se encuentran en uso pero que reúnen las condiciones necesarias puedan incorporarse al comprado de alquiler gracias a esta iniciativa.
  • Presentado en Vilalba o libro LOIS PEÑA NOVO, 55 ANOS DESPOIS
    En Vilalba, vense de presentar o libro LOIS PEÑA NOVO, 55 ANOS DESPOIS, publicado polo Colectivo Egeria co apoio da Xunta de Galicia e o Concello vilalbés. Na presentación tomaron parte a Alcaldesa de Vilalba, Elba Veleiro; o Secretario Xeral de Política Lingüística da Xunta de Galicia, Valentín García; o especialista en Peña Novo, Manuel Roca; o historiador Xosé Antón Pombo e o xornalista vilalbés, Presidente do Colectivo Egeria, Xulio Xiz. O libro publícase aos cincuenta e cinco anos do pasamento do avogado vilalbés, o 24 de xullo de 1967, cando acudía a Vilalba á inauguración do Parador de Turismo, sufrindo en Robra, na Nacional VI un accidente mortal no que foron víctimas o avogado e político, a súa dona Ermitas Verdes, e un matrimonio amigo.