Ir o contido principal
iniciar sesión

Novas

  • Un total de 31 centros educativos de Galicia imparten o STEMBach no curso 2019/2020
    O obxectivo deste bacharelato é promover a vocación do alumnado cara á investigación científica e tecnolóxica, mediante unha metodoloxía que lle facilite a incorporación e adaptación á ensinanza universitaria, e tendo en conta a perspectiva de xénero. Ademais, favorécese unha mentalidade científica, rigorosa, ordenada e crítica; así como o desenvolvemento da creatividade, do sentido da iniciativa ou do emprendemento e da resolución de problemas. O alumnado que curse este bacharelato no segundo ano deberá desenvolver un proxecto de investigación individual ou colectivo con posterior defensa pública.
  • Un total de 79 centros públicos desenvolverán este curso o programa Biblioteca creativa
    Os centros públicos de infantil e primaria de nova incorporación recibirán os materiais necesarios para a construción dun mínimo de catro Escornabots, así como outros materiais precisos para a posta en marcha da iniciativa. Os Escornabots son pequenos robots construídos sobre Arduino, a plataforma de robótica máis estendida a nivel educativo e profesional, cunha ampla comunidade de persoas usuarias e desenvolvedoras, o que facilita o acceso a unha importante base de documentación para os proxectos que se realicen nas bibliotecas.
  • O X certame de cine OUFF Escola premia a creatividade audiovisual en galego do estudantado
    Celebrouse no Auditorio Municipal da Cidade das Burgas a décima gala de entrega dos premios do certame de cine OUFF Escola. A que xa é décima edición do Certame de Cinema OUFF Escola outorgoulle este ano o primeiro premio na categoría de Infantil e Primaria ao traballo Agapito vai de viaxe, do CEIP Plurilingüe de Palmeira (Ribeira, A Coruña). Na categoría de secundaria, o primeiro premio de Outros niveis de ensino non universitario lle foi concedido ao IES Isaac Díaz Pardo (Sada, A Coruña) pola curta Deámoslles voz. OUFF Escola é un certame de cinema convocado pola Concellaría de Cultura de Ourense e pola Consellería de Cultura e Turismo no marco do Festival de Cine Internacional de Ourense (OUFF).
  • Galicia lidera o deporte escolar como a Comunidade Autónoma con maior participación de centros educativos (60) na Semana Europea do Deporte
    A Semana Europea do Deporte é unha iniciativa do Parlamento Europeo para a promoción da practica deportiva saudable nos cidadáns da Unión Europea. Os preto de 60 centros educativos responderon a esta iniciativa, programando diferentes actividades durante esta semana e celebrando o Día do Deporte Escolar con alomenos 120 minutos de actividade física dentro do horario lectivo. Galicia aposta así polo incremento da actividade física de calidade que se realiza nos centros educativos galegos, para loitar contra a inactividade física, o sedentarismo e consecuentemente, contra o sobrepeso e a obesidade, promovendo hábitos de vida activa que perduren dende a infancia ata a vellez, vinculados aos Proxectos de Vida Activa en centros educativos escolares.
  • Científicos de Galicia e Houston (EEUU) avanzan na detección temperá das enfermidasdes de Parkinson e Alzheimer
    Un equipo de investigadores do Centro Singular de Investigación en Química Biolóxica e Materiais Moleculares da Universidade de Santiago de Compostela (CiQUS) en colaboración coa Universidade de Rice (Houston, Texas, EEUU) vén de crear novos sensores metálicos fluorescentes para a detección temperá das primeiras agregacións de proteínas vinculadas ás enfermidades de Alzheimer (beta-amiloide) e Parkinson (alfa-sinucleína). Os novos compostos de renio e rutenio adhírense aos precursores da enfermidade (os oligómeros amiloides) e, dende aí, amplifican a nivel supramolecular un sinal determinante coñecido como anisotropía de fluorescencia.
  • Arranca o proceso de acreditación dos campus universitarios baseado na especialización e no fomento da investigación
    Esta acreditación suporá un recoñecemento ao proceso de transformación levado a cabo desde as universidades par acadar os obxectivos de maior especialización, compactidade e calidade da docencia e da investigación. Trátase dun proceso aberto no tempo ao que cada universidade se pode presentar cando considere oportuno e que culminará coa sinatura dun convenio economicamente dotado en función da proposta que faga a propia universidade así como do informe dos expertos que participan no proceso. O “Programa de Especialización dos Campus do SUG” foi lanzado no ano 2013 co obxectivo de promover a especialización e diferenciación dos campus a través da colaboración estratéxica e do aproveitamento das potencialidades económicas das contornas máis próximas.
  • A Amtega pon en marcha unha nova edición do Plan DigiTalent con 36 iniciativas para o curso 2019/2020
    Para motivas e potenciar as vocacións STEM desde idades temperás, este curso desenvolveranse 9 iniciativas diferentes, que posibilitarán que máis de 1.600 nenos e nenas en idade escolar participen talleres e actividades ludico-formativas en torno á robótica, o uso seguro de internet ou desafíos tecnolóxicos. Ademais, levaranse de novo ao centros educativos charlas e actividades divulgativas para achegarlles aos máis novos o interese polos estudos científico-tecnolóxicos, prestando especial atención ás nenas, ofrecendo máis de 900 prazas. Neste eixo cabe destacar o a posta en marcha este curso do programa da Fundación Vodafone “DigiCraft no teu cole”.
  • En Galicia un de cada cinco traballadores é autónomo, e a Comunidade é a que conta cunha maior estabilidade neste tipo de emprego
    O conselleiro de Economía, Emprego e Industria, Francisco Conde, participou no primeiro dos Venres Autónomos, encontros cos que se busca coñecer de preto a realidade deste colectivo e escoitar cales son as súas demandas
  • Deportistas galegos de élite colaboran na loita pola igualdade e contra a violencia de xénero
    A secretaria xeral de Igualdade, e o secretario xeral para o deporte, asinaron novos contratos -dun total de 25- de patrocinio con deportistas clasificados ou en fase de clasificación para os Xogos de Tokio 2020 e participantes nas edicións anteriores dos Xogos Olímpicos e Paralímpicos, para que participen en campañas de prevención e sensibilización fronte a violencia de xénero.
  • A Xunta aproba o maior investimento público realizado ata o de agora no sistema científico universitario galego con 20.500.000€
    O vicepresidente da Xunta, Alfonso Rueda, anunciou que o Consello aprobou unha orde de axudas nos centros de investigación das Universidades galegas para o período 2019-2022, o que significa o maior investimento público realizado ata o de agora no sistema científico universitario galego e suporá un salto cualitativo e cuantitativo no impulso do que son os maiores axentes científicos de Galicia.