Ir o contido principal
iniciar sesión

Notas

  • As reivindicacións da muller presentes en dúas novas exposicións no Museo Provincial de Lugo
    A Sala Multiusos acolle 'A muller do século XXI', que estará aberta ata o día 30 de maio, e o Refectorio mostra 'Bruxa! Libres, rebeldes, insubmisas', dispoñible ata o vindeiro 8 de xuño.A primeira mostra un percorrido polo traballo a favor do cumprimento dos dereito humanos, o mellor camiño para alcanzar a dignidade e a igualdade entre todos. A segunda é un proxecto artístico sobre a violencia contra as mulleres e que reivindica a súa liberdade.
  • A convocatoria da novena edición do encontro de artistas novos apoiará a 40 creadores emerxentes
    O Gaiás vén de convocar unha nova edición o seu Encontro de Artistas Novos (EAN) que, co obxectivo de apoiar a arte emerxente e promover a creación contemporánea, ofrece a novos e novas creadoras a oportunidade de participar nunha estancia de catro días no complexo da Cidade da Cultura. Así, un total de corenta artistas emerxentes serán seleccionados para presentar no Gaiás o seu proxecto creativo.
  • Máis de 1000 estudantes e 200 docentes participan no VII Rally Científico Matemático
    Os gañadores desta final galega resultaron ser, en primeiro da ESO, o CPR Abrente de Portonovo (Pontevedra); en segundo da ESO, o IES Rosalía de Castro de Santiago, e en terceiro o IES Laura Olmo do Barco de Valdeorras. En cuarto da ESO había dúas modalidades, a de matemáticas (común ao resto dos niveis) e a de ciencias. Na de matemáticas, o vencedor foi o CPR Sagrado Corazón de Placeres de Pontevedra. Na modalidade de ciencias impúxose o Colexio As Acacias de Vigo.
  • O CiQUS crea un novo nanomaterial fotoactivable para a liberación controlada de fármacos por luz
    Un equipo do CiQUS da Universidade de Santiago acaba de desenvolver un nanomaterial intelixente que, ao ser iluminado, libera fármacos no interior celular de forma controlada. As propiedades deste novo material poroso, con múltiples aplicacións máis aló do ámbito biomédico, recóllense nun traballo realizado en colaboración coa Universitat Rovira i Virgili e o IMDEA Energy, que foi publicado na prestixiosa revista Angewandte Chemie.
  • O Congreso Internacional de Fútbol, Fútbol Sala e Psicoloxía alcanza a súa terceira edición como unha oferta formativa única a nivel internacional
    O Congreso internacional de Fútbol, fútbol sala e psicoloxía alcanza a súa terceira edición achegando á sociedade unha plataforma, ata o de agora inexistente, de transferencia directa de coñecemento da universidade á contorna do fútbol e o fútbol sala. Na Facultade de Psicoloxía, sede do encontro, o congreso desenvolverase os días 30 e 31 de maio e 1 de xuño en xornada intensivas de 9.00 a 21.00 horas.
  • O pianista Javier Otero e o cantautor Andrés Suárez abrirán a III Edición do Piano Meeting de Ourense a un público máis novo
    O vindeiro 28 de setembro Ourense acollerá a III Edición do Piano Meeting, unha cita que este ano apostará por achegarse a un público máis novo cun gran concerto a cargo do pianista e director do evento, Javier Otero, e do cantautor ferrolán Andrés Suárez. A Praza Maior de Ourense foi o escenario escollido para dar a coñecer a vindeira edición do Piano Meeting, que nesta terceira edición tamén apostará pola formación dos seus participantes.
  • Aberto o programa Galeuropa, que ofrece axudas para que a mocidade complete a súa formación en empresas da Unión Europea
    Estímase que entre 350 e 400 mozas e mozos de entre 18 e 29 anos inscritos no ficheiro nacional de Garantía Xuvenil no ámbito da comunidade poidan completar a súa formación en compañías da Unión Europea. O obxectivo é que as persoas participantes adquiran durante a súa estadía en firmas empresariais de países europeos unha experiencia profesional que lles permita atopar traballo en Galicia.
  • A cantautora arzuá MJ Pérez ofrece este xoves no Vello Cárcere de Lugo un concerto no marco do ciclo Lubicán
    A cantautora arzuá MJ Pérez ofrecerá este xoves no Vello Cárcere de Lugo un concerto no que interpretará temas do seu terceiro e último traballo, ‘Casandra’, no marco do ciclo Lubicán. MJ Pérez, que estará acompañada da súa banda na súa actuación na capital luguesa, acumula tres discos producidos, aínda que ‘Casandra’ constitúe o seu primeiro traballo de estudio. Nesta nova entrega musical, conta coa colaboración de Paco Cerdeira, Richi Casás, Ailén ou Martiño Cabarcos.
  • A RAG e PuntoGal premian nove microrrelatos de autoras e autores de todas as idades
    Jessica Rodríguez Sánchez, veciña de Visantoña (Mesía) de 35 anos, Óscar Fernández Freire, coruñés de 17 anos, e Claudia Martínez Asenjo, compostelá de 11 anos, son as persoas gañadoras dos tres primeiros premios, nas modalidades de adultos, xuvenil e infantil, do II Concurso de microrrelatos convocado pola Real Academia Galega e PuntoGal. O xurado, reunido na sede da RAG, escolleunos entre as case 500 propostas recibidas xunto a outros seis microrrelatos distinguidos cos segundos e os terceiros premios.
  • A Axencia de Coñecemento en Saúde formou durante 2018 a máis de 14.200 profesionais
    A Axencia de Coñecemento en Saúde desenvolveu o pasado ano un total de 879 actividades formativas nas que participaron 14.200 profesionais. Isto supón máis de 5.850 horas lectivas e o traballo de 740 relatores e colaboradores docentes. A formación continuada dos profesionais do sistema público galego de saúde é unha prioridade. O obxectivo é mellorar o coidado dos pacientes a través do coñecemento, e para acadalo é preciso a actualización permanente das competencias profesionais.