Ir o contido principal
iniciar sesión

Notas

  • A Universidade da Coruña trae a Galicia ao experto internacional en ciberseguridade David Finn
    A Amtega e a Universidade da Coruña colaboran para achegar a Galicia a un dos máximos expertos internacionais en materia de ciberseguridade, o estadounidense David FInn, actualmente director executivo da organización CleanApps.org. O vindeiro 20 de marzo no Auditorio da Biblioteca da Cidade da Cultura, acollera o relatorio de Finn 'Who else can join the data privacy war on the side of consumers? It’s not who you think: Construíndo unha internet limpa e segura'.
  • A Asesoría Xurídica da Xunta avala esixir o cumprimento do calendario de vacinas para acceder ás escolas infantís públicas
    A Asesoría Xurídica da Xunta de Galicia avala que o cumprimento do calendario de vacinación oficial sexa requisito para inscribir a unha nena ou neno nunha escola infantil. A Consellería de Política Social está a estudar a posibilidade de implantar esta condición no acceso ás prazas públicas de atención á infancia de 0 a 3 anos. Neste informe recálcase que neste asunto é prioritaria a protección da saúde dos menores, tal e como recoñece o artigo 43 da Constitución española.
  • A sétima edición de 'No Bico un Cantar' centrarase na tradición musical da Raia
    A nova edición do programa No Bico un Cantar estará centrada na tradición musical da Raia, e se celebrará o vindeiro 7 de xuño en Tui. Baixo o título de 'Nenas e nenos cantan na Raia', o proxecto unirá música galega e portuguesa. Neste sentido, convidouse a participar ao alumnado da Academia de Música da Fortaleza de Valença e da Academia de Música José Atalaya de Fafe, ambas do país veciño. Ademais deles participarán as alumnas e alumnos dos 7 conservatorios profesionais de Galicia.
  • A mostra 'Valor e mestría' clausúrase no Museo Gaiás tras ser visitada por preto de 40.000 persoas
    'Valor e mestría. Galicia como fútbol', –exposición sobre a historia, fitos e lendas dos 143 anos de historia deste deporte en Galicia– clausurouse este domingo tras recibir preto de 40.000 persoas, desde a súa inauguración o 15 de febreiro no Museo Centro Gaiás. A mostra rexistrou unha importante afluencia de visitantes na súa recta final, especialmente durante a pasada fin de semana. Valor e mestría foi a exposición máis ambiciosa realizada ata o momento sobre a historia do fútbol galego.
  • A USC acollerá en xullo o primeiro congreso internacional dedicado á transferencia de coñecemento entre Matemáticas e industria
    A primeira edición da Conference on Transfer between Mathematics & Industry (CTMI 2019) celebrarase o vindeiro mes de xullo na Facultade de Matemáticas da USC. Colaboran na súa organización o Instituto Tecnolóxico de Matemática Industrial (ITMATI) e a Rede Española para Matemáticas e Industria (math-in), coa colaboración do European Service Network of Mathematics for Industry and Innovation (EU-MATHS-IN).
  • A mostra ‘Cosmoloxías’ inaugura o proxecto ArtLAB do Instituto Galego de Física de Altas Enerxías
    Parece inexplicable que perdure o divorcio entre arte e ciencia, dous campos do saber que son inseparables para comprender a complexidade do ser humano. Aparentemente dispares nos seus métodos e linguaxes, comparten por exemplo ese proceso de busca, estimulado pola creatividade, dunha idea ou de respostas a un interrogante aínda sen resolver. Debido á influencia que se exercen mutuamente e á frecuente indefinición das súas fronteiras posibilítase un diálogo entre ambas.
  • O Lubicán lembra este xoves en Lugo a figura e a música de Narf nunha emotiva homenaxe póstuma co espectáculo ‘Encontrarte’
    A música e as letras de Fran Pérez Narf volverán soar este xoves no Círculo das Artes de Lugo, no espectáculo ‘Encontrarte’, un espectáculo multidisciplinar co que o Lubicán, un dos ciclos de música galega feita por artistas da terra máis consolidados no panorama cultural de Galicia, rende tributo a un dos seus valedores cun concerto na súa lembranza co que agarda que a música de Narf non esmoreza co paso do tempo.
  • Escolares galegos debaten esta semana no Gaiás ao redor dos valores da obra de Castelao 'A derradeira leición do mestre'
    A Cidade da Cultura bota a andar hoxe o ciclo de debates escolares O valor da educación para a construción de sociedades libres, unha actividade coa que a Xunta de Galicia quere pórlle o alfinete de ouro —xunto ao concerto deste venres da Orquestra de Cámara Galega— á exposición do Museo Centro Gaiás 'Castelao maxistral. A boa obra ao mestre honra'. A mostra, que exhibe por vez primeira en Galicia o lendario cadro.
  • A Deputación de Lugo organiza unha nova xornada sobre o patrimonio arqueolóxico da provincia
    Presentouse no Museo Provincial de Lugo a II Xornada de divulgación científica do patrimonio arqueolóxico lucense. A cita será o vindeiro 22 de marzo no Salón de Actos do Pazo de San Marcos, e analizaranse as covas paleolíticas de Eirós en Triacastela, a de Valdavara en Becerreá e a da Valiña en Castroverde, entre outras. Neste encontro que leva por titulo, “As Covas: portas a outros mundos”, participarán catedráticos, profesores, arqueólogos, e expertos en patrimonio.
  • Os tonos do valioso Manuscrito Guerra soarán o martes no Paraninfo da Universidade de Santiago
    Na Biblioteca Xeral da USC consérvase o ‘Manuscrito Guerra’, unha colección de tonos humanos da segunda metade do século XVII que supón unha valiosa fonte para o coñecemento da música vocal profana para solista do barroco español. Precisamente este singular documento, unha das grandes xoias do barroco hispano, será o protagonista do concerto que a mezzosoprano Lidia Vinyes-Curtis e o arpa barroca Manuel Vilas ofrecerán o martes no Paraninfo da Universidade.