Ir o contido principal
iniciar sesión

Notas

  • UVigo SpaceLab dá un salto 'abismal' coa estrea dunha estación terrea sen precedentes
    Un salto abismal. Así se refiren as alumnas e alumnos de UVigo SpaceLab á súa nova estación terrea, unhas instalacións situadas no edificio Filomena Dato que se converterán no 'corazón do procesamento da sinal e futuro centro de control para a misión espacial BIXO', algo no que levaban máis dun ano traballando para a súa posta a punto e que agora se converte en 'pedra angular' para o éxito da misión.
  • A Aula de Teatro da USC desenvolverá ao longo do mes de abril unha intensa actividade escénica
    Será a mediados de mes cando teña lugar en Lugo o Festival de Teatro Universitario (cinco compañías presentarán no auditorio Gustavo Freire outras tantas producións), e uns días despois en Compostela a Mostra de Teatro Universitario de Galicia, que se completarán con obradoiros de arte escénica, a iniciativa ‘escaparArte’ e a presentación do exercicio final da Escola de Teatro.
  • O segundo Ciclo de Cultura Científica da Xunta arranca desmontando mitos sobre o uso da tecnoloxía nas aulas
    A segunda edición do Ciclo de Cultura Científica da Xunta arranca o vindeiro xoves 4 de abril desmontando mitos sobre o uso das tecnoloxías nas aulas e por parte dos máis novos. O investigador e director da International Science Teaching Foundation, Héctor Ruiz Martín, será o responsable de afondar nestas cuestións na conferencia Que nos di a investigación sobre o uso da tecnoloxía na aula?.
  • Santiago acollerá en setembro o XI Congreso Internacional de Nanociencia e Nanotecnoloxía Analítica
    A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
  • O impacto da velutina na produción de uva analízase por primeira vez nun artigo internacional da UDC
    A prestixiosa revista Agriculture, Ecosystems & Environment acaba de publicar un artigo científico sobre o traballo realizado por investigadoras da UDC sobre o impacto da avespa asiática nos viñedos de Betanzos. O traballo, realizado pola investigadora Yaiza Rodríguez Lueje baixo a dirección das doutoras María Amalia Jácome e María José Servia, abordou por vez primeira a cuantificación real dos danos causados por esta especie invasora en viñedos, así como ensaios de viabilidade do uso de mallas para protexer as uvas.
  • O Festival 17º Ribeira Sacra presenta avance do cartel da súa oitava edición
    A oitava edición do festival 17º Ribeira Sacra, que terá lugar do 26 ao 28 de xullo en diversos escenarios do territorio lucense, anuncia un primeiro avance da súa programación. Denominado como “festival de experiencias”, o 17º Ribeira Sacra marida, non só música, senón tamén outras áreas que cada ano cobran maior protagonismo; como é a arte, a terra e a gastronomía.
  • A aula teatral do campus de Ourense estrea en Portugal a súa nova produción
    Cada curso académico, a Aula de Teatro do Campus de Ourense Maricastaña crea unha obra teatral coa que logo xira por diferentes festivais e espazos escénicos da península ibérica. Despois de varios meses de traballo, a produción deste ano xa está lista. Trátase de Desequilibrios, que acaba de ser estreada en Portugal, no 28º Ciclo de Teatro Universitario da Beira Interior, onde acadou o premio do público.
  • Os tres campus de especialización do SUG exploran vías de cooperación
    O campus de Ourense acolleu a celebración da primeira xuntanza entre responsables dos tres campus de especialización do Sistema Universitario de Galicia (SUG) acreditados pola Xunta de Galicia. Trátase do Campus Industrial de Ferrol, da Universidade da Coruña; o Campus Terra de Lugo, da Universidade de Santiago de Compostela, e do Campus Auga de Ourense, da Universidade de Vigo.
  • Santiago acolle ata o 18 de abril unha exposición que visibiliza o legado das mulleres na literatura universal
    A mostra está composta por nove paneis que recollen as obras de mulleres clave dos últimos dous séculos: Mary Shelley -con Frankestein ou o moderno Prometeo-, Harriet Beechet Stowe -con A cabana do Tío Tom-, Bertha Von Suttner -con Abaixo as armas-, Betty Friedan -con A mística da feminidade-, Clara Campoamor –con O voto feminino e eu-, Harper Lee -con Matar a un reiseñor-, Rachel Carson -con Primavera silenciosa- e Hanna Arendt -con Eichmann en Xerusalén-.
  • IA e creatividade no terceiro taller do ciclo HumanIA UDC
    Ao redor de cen persoas participaron este mércores no terceiro taller de “HumanIA” da Universidade da Coruña, ciclo formativo organizado polo Consello Social e a Facultade de Humanidades e Documentación, en colaboración co CITIC da UDC. A experta en tecnomarketing, innovación e branding, Ruth Falquina, impartiu o taller que levou por título “Intelixencia artificial e Creatividade: como potenciar o teu talento”, no que compartiu cos asistentes a súa experiencia á fronte dunha axencia especializada en creatividade aumentada, Estado Latente.