Ir o contido principal
iniciar sesión

Notas

  • Bota a andar o programa Iacobus que fomenta o intercambio transfronteirizo de persoal nas universidades da Eurorrexión
    O Iacobus-Estadías de Investigación é un programa de gran éxito no mundo universitario da Eurorrexión. Suma máis de 1.400 candidatos nas edicións anteriores, entre os que foron seleccionados 798 proxectos de investigación en múltiples áreas de coñecemento. Asemade, ten como obxectivo fomentar a cooperación entre os recursos humanos das institucións e ensino superior e centros tecnolóxicos da Eurorrexión.
  • A iniciativa Elixe Galicia nace para promover o turismo interno, desestacionalizar a ocupación hoteleira e favorecer o mellor coñecemento da comunidade
    Este programa de estadías turísticas e de ocio contará cun orzamento de 1,6 M€ para financiar o 40% das estadías en provincias distintas ao lugar de orixe. Está dirixido a menores de 30 anos, familias con fillos menores e a persoas maiores de 55 anos. 'Elixer Galicia' contará con catro modalidades: Vacacións en zona costeiras, Rutas de patrimonio histórico e cultural, Rutas de natureza e montaña e Estadías en balnearios.
  • O simposio do ILG 2019 desenvolverase co lema 'Lingua, patrimonio e coñecemento tradicional'
    Desde o ano 2001, o Instituto da Lingua Galega (ILG) organiza cada outono un simposio dedicado a un tema específico, escollido polo seu interese para a comunidade científica ou para a formación continua dos titulados universitarios. O Simposio ILG 2019 ‘Lingua, patrimonio e coñecemento tradicional’ busca amosar algúns dos resultados obtidos durante o desenvolvemento do proxecto ‘Patrimonio léxico da Gallaecia’, integrado no macroproxecto europeo GEOARPAD.
  • Preto de 1.400 alumnas e alumnos de 42 centros educativos formaranse co programa 'Finanzas para mortais'
    Preto de 1.400 alumnas e alumnos de 3º e 4º de ESO e de 1º e 2º de bacharelato de 42 centros de ensino de toda Galicia formaranse ao longo deste curso a través do programa Finanzas para mortais, froito da colaboración entre a Consellería de Educación, Universidade e Formación Profesional, a Fundación da Universidade de Cantabria para o estudo e a investigación do sector financeiro (UCEIF) e o Banco Santander.
  • Concerto "De Cine" na Asociación de Veciños Ferrol Vello
    En novedosa formación de bandurria e piano, actuará Julia María Dopico Vale coa formación Rosas, acompañadas pola profesora Isabel Romero, interpretando música de bandas sonoras de coñecidas películas.
  • Presentouse unha nova tempada de Coruña Dixital que consolida o seu labor de promoción da cultura tecnolóxica da cidade
    A Concellería de Cultura do Concello da Coruña activa a cuarta edición de Coruña Dixital, que este ano aposta polo reforzo na iniciación e uso seguro da tecnoloxía dos colectivos de maiores, familias e mocidade. Foi presentada esta iniciativa municipal que ten como finalidade visibilizar e dinamizar as comunidades dixitais que existen na Coruña e facilitar a participación activa da veciñanza nas novas prácticas culturais e creativas.
  • S.E.X. lánzase á rede como ferramenta de difusión e consulta no ámbito da sexualidade na adolescencia
    Este proxecto de educación sexual, para público adolescente e promovido por Illa Bufarda en colaboración ASEIA, foi unha das dez iniciativas recoñecidas na segunda edición do II Premio Luisa Villalta da Deputación da Coruña de proxectos culturais pola igualdade. Ademais da webserie S.E.X, cuxo primeiro episodio se estreou a semana pasada, a iniciativa inclúe unha consultaría virtual sobre sexualidade con persoas expertas na materia de ASEIA e a difusión por centros educativos de secundaria da provincia coruñesa.
  • Santiago de Compostela acolle a final da I Olimpíada Científica Xuvenil Española
    Celebrouse no Pazo de Fonseca a entrega dos premios da I Olimpíada Científica Xuvenil Española, cuxa final se celebra en Santiago de Compostela desde o pasado día 16. Un total de 27 alumnas e alumnos de toda España, 3 deles galegos (concretamente do IES Plurilingüe Rosalía de Castro de Santiago), disputaron estes días as últimas probas do certame. A I Olimpíada Científica Xuvenil Española inspírase na Olimpíada Científica Xuvenil Internacional (IJSO).
  • Convocados os premios Talento Mozo para poñer en valor a traxectoria e capacidade das mozas e mozos galegos
    A Consellería de Política Social, a través da Dirección Xeral de Xuventude, Participación e Voluntariado, convoca un novo certame para recoñecer traxectorias excelentes e proxectos impulsados pola xente nova. Trátase dos galardóns Talento Mozo, cos que se dará máis visibilidade ao enxeño e capacidades da mocidade galega nas modalidades de Ciencia, Rural, Deporte, Empresa e Cultura e Creación, cunha dotación económica de 5000 euros por categoría.
  • O ciclo Clube Estrella Galicia chega á súa cuarta edición apostando polo talento musical galego
    O Ciclo Clube Estrella Galicia regresa aos escenarios galegos. A Asociación Galega de Salas de Música ao Vivo, Clubtura, e Estrella Galicia renovan un ano máis a súa alianza nunha clara aposta polo talento musical galego. O ciclo supón, ademais, un importante respaldo de Estrella Galicia ás salas de concertos das catro provincias galegas, “que son o motor da cultura musical máis próximo ao público e o inicio de calquera banda”, como lembrou o presidente de Clubtura, Alberto Grandío.