Ir o contido principal
iniciar sesión

Notas

  • O proxecto Lidera ofrece unhas xornadas de coaching nos Espazos Xove para apoiar á xente nova no seu itinerario persoal e profesional
    O proxecto Lidera convoca unhas xornadas de coaching que se desenvolverán en diferentes Espazos Xove de Galicia nos meses de setembro e novembro. A iniciativa, dirixida a mozos de 18 a 30 anos, leva por nome 'Crea o teu camiño profesional', e ten como obxectivo apoiar á xente nova no seu itinerario persoal e profesional coa formación en habilidades transversais que melloren as súas oportunidades de emprego e emprendemento.
  • A sesión monográfica 'Cerebro e liberdade' abre en setembro unha nova edición das NerdNites
    As NerdNites comezarán o martes 3 de setembro a súa oitava edición cunha sesión monográfica que leva por título ‘Cerebro e liberdade’. Esta primeira NerdNite, organizada en colaboración coa Sociedad Española de Neurociencia co gallo da súa celebración en Santiago do seu congreso bienal, estará moderada por José María Delgado, catedrático de Fisioloxía da Universidade Pablo de Olavide de Sevilla, e contará como relatores con diversos especialistas.
  • Dous alumnos galegos compiten desde hoxe nas olimpíadas mundiais da FP Worldskills 2019
    Dous alumnos galegos compiten desde hoxe nas olimpíadas mundiais da Formación Profesional, as WorldSkills 2019, que se celebra en Kazán (Rusia). Trátase de Yamila Sidati Novo (CIFP Paseo das Pontes) e de Brais Mosquera Fuentes (CIFP Someso), que gañaron a medalla de ouro no campionato SpainSkills 2019. Nesta edición do certame participan máis de 1300 competidores de 63 países diferentes, en 56 skills ou especialidades.
  • Investigadores da USC descobren o mecanismo mediante o cal algúns fármacos diminúen o peso corporal
    Investigadores da Universidade de Santiago de Compostela e do Instituto de Investigación Sanitaria de Santiago adscritos ao Centro de Investigación Biomédica en Rede-Fisiopatología da Obesidad e a Nutrición (CIBERobn), coordinan un estudo que descubriu un mecanismo mediante o que algúns fármacos utilizados para o tratamento doutras enfermidades diminúen tamén o peso corporal.
  • A Agrupación Astronómica Coruñesa Ío organiza unha charla sobre o Sol
    Celebrarase o venres 23 de agosto ás 20:30 no Planetario da Casa das Ciencias da Coruña, dentro do programa “Coruña científica: ciclo de astronomía”, que conta co apoio do Concello da Coruña. A entrada é gratuíta por medio de convites que se repartirán na Casa das Ciencias media hora antes do comezo da actividade. A charla leva por título “El Sol y la difícil convivencia con una estrella activa” e será impartida por Héctor Socas-Navarro.
  • A USC figura por sexto ano consecutivo entre as mil mellores universidades do mundo, segundo o ránking de Shanghai
    Por sexto ano consecutivo, a USC mantense entre as mellores universidades do mundo. O Academic Ranking of World Universities (ARWU), popularmente coñecido como ránking de Shanghai, inclúe un ano máis a USC entre as mil mellores institucións universitaria do mundo, concretamente no intervalo 501-600. Dende a primeira edición deste listado, a USC suma un total de dez aparicións entre as mellores do mundo.
  • 'DJ's no Camiño' chega a Ordes cun set especial de David Expósito, CDC e Marcos Magán
    O ciclo DJ’s no Camiño chegará o vindeiro martes 13 a Ordes, por onde transcorre o Camiño Inglés, cun set especial de David Expósito, CDC Djs e Marcos Magán. O espectáculo, terá lugar a partir das 23,30 h. na Alameda desta localidade coruñesa, como arranque das festas patronais de Santa María, e desenvolverase nun gran escenario de 20 metros, con 40.000 watios de son, seis pantallas xigantes, agasallos para o público e fogos de artificio.
  • Patti Smith and Band encabeza a primeira noite de concertos na praia de Riazor do 33º Festival Noroeste Estrella Galicia
    A lenda estadounidense do rock, Patti Smith, actuará este venres no 33º Festival Noroeste Estrella Galicia. O seu directo é unha das citas máis esperadas do ano, xa que se trata do único concerto gratuíto que a artista ofrecerá este verán no estado. Smith, acompañada pola súa banda, revisará no areal coruñés os grandes éxitos dunha carreira de máis de catro décadas e ateigada de himnos que forman parte da historia universal do rock, como Because the night, People have the power ou Gloria.
  • O festival Autobán de cómic autoeditado alcanza este agosto a súa duodécima edición
    O festival coruñés de cómic autoeditado alcanza este agosto a súa duodécima edición, despois de seis edicións de verán e outras tantas de inverno. Medio cento de creadoras e creadores inscritos porán á venda as súas novidades no encontro, que ademais contará con palestras, presentacións, edicións exclusivas, mostras e o célebre Combate de Debuxantes. É a festa dos autores e autoras de banda deseñada que publican os seus propios traballos.
  • A Mesa presenta en 'Viñetas desde o Atlántico' o libro 'O tempo cronolóxico', con ilustracións de Xulia Vicente
    A Mesa pola Normalización Lingüística presentará este sábado, no 'Viñetas desde o Atlántico', 'O tempo cronolóxico', o libro ilustrado por Xulia Vicente co que quere axudar a cativada galega a coñecer o nome das principais unidades de medida temporal na nosa lingua. Este título forma parte xunto con O abecedario, As aves e Os peixes e outra fauna mariña do proxecto didáctico que A Mesa adica á educación infantil.