Ir o contido principal
iniciar sesión

Notas

  • O sector artístico e cultural centrará a Feira de Emprendedoras de Compostela
    USC e Concello de Santiago colaboran un ano máis na organización da Feira de Emprendedoras de Compostela. Esta cuarta edición que se desenvolverá o 30 de setembro no Teatro Principal poñerá o foco nas entidades do sector artístico e cultural da cidade e a súa contorna. Entidades con liderados feministas, creadas moitas delas por mulleres referentes, imprescindibles para a consolidación dun tecido empresarial de gran valor engadido e aliñado con ditos valores feministas centrarán a actividade.
  • Arranca a celebración da Mobile Week Ourense 2022
    Este xoves arrancou a celebración da Mobile Week Ourense 2022, cita impulsada por la Deputación de Ourense e Mobile World Capital Barcelona e apoiada entre outras institucións pola Universidade de Vigo. Ata o 18 de setembro, desenvolverase unha intensa programación enfocada a xerar interese pola tecnoloxía e evitar o risco de exclusión dixital que terá entre os seus escenarios a Escola Superior de Enxeñaría Informática do campus de Ourense.
  • Unha investigación analiza a pegada da música no ADN e o seu posible uso para paliar certas enfermidades
    Sensogenoma22 é un proxecto de investigación no que, por primeira vez e a grande escala, ciencia e música danse a man para loitar contra diferentes enfermidades. Así, o Instituto de Investigación Sanitaria de Santiago de Compostela (IDIS) e a Real Filharmonía de Galicia dan pulo a esta colaboración interdisciplinaria que ten por obxecto 'buscar as bases biolóxicas do estímulo musical' coa vontade de 'iluminar novas dianas terapéuticas'.
  • Retorna a cita mensual co cinema documental
    Desde 2018 e da man da Vicerreitoría do campus, Pontevedra é unha das 70 localidades de España inseridas na programación de Docs del Mes, un ciclo de cinema documental que, co inicio do novo curso, retoma a súa programación o vindeiro luns 19 na Casa das Campás con El secreto del doctor Grinberg.
  • Novas oportunidades de profundar nos ceos e na arte do Camiño da man do Observatorio Ramón María Aller
    O programa 'A Vía Láctea e outros motivos xacobeos do Camiño' continúa a percorrer Galicia para dar a coñecer a riqueza patrimonial das rutas a Compostela os fenómenos e obxectos astronómicos que podemos avistar ao percorrelas. Esta iniciativa do Observatorio Astronómico Ramón María Aller (OARMA) da USC, baixo a dirección de José Ángel Docobo, forma parte das actividades culturais desenvolvidas ao abeiro da convocatoria 'O teu Xacobeo'.
  • A USC promove unhas xornadas sobre o papel da educación en xénero fronte á pornografía e ás violencias sexuais
    O Centro Interdisciplinario de Investigacións Feministas e de Estudos de Xénero da USC programa o 8 de setembro as XIV Xornadas de Formación e VI Xornadas Internacionais de Educación, Xénero e Igualdade, unha actividade ao que busca promover un modelo de convivencia igualitaria e de relacións interxénero equitativas e democráticas.
  • O Titirideza regresa a Lalín do 26 ao 28 de agosto
    A vixésima primeira edición do Festival Titirideza de Lalín arrinca o 26 de agosto. O encontro de teatro de monicreques referente en Galicia programou este ano seis actuacións que se levarán a cabo nunha carpa situada na praza da Igrexa de Lalín ata o 28 de agosto. O día 26 a compañía Xarope Tulú dará comezo ao festival ás 17.30 horas co espectáculo ‘Roupa Tendida’, unha proposta na que conflúen a narración oral e a manipulación de obxectos e monicreques.
  • A singularidade arqueolóxica e antropolóxica da necrópole da Lanzada ve a luz grazas a unha investigación da USC
    Comprender a unicidade da necrópole da Lanzada e afondar no coñecemento do proceso de formación do ‘necrosol’, o tipo de solo existente nas superficies que foron empregadas como camposanto, é posible grazas a un estudo recente do grupo de investigación EcoPast da USC. Os resultados da súa investigación foron recollidos no último número da revista Scientific Reports.
  • O Xacobeo trae a Vigo o espectacular tour do artista C. Tangana tras o éxito do festival Latitudes
    Os concertos do Xacobeo 21-22 traerá este martes Vigo a artista C. Tangana co seu espectacular tour 2022. Será o escenario do peirao de Transatlánticos, mesmo lugar no que rematou este sábado o exitoso Festival Latitudes, o que acolla a loada posta en escena do cantante madrileño de ascendencia galega e confeso seguidor do Celta.
  • A USC consolida a súa posición entre as 500 mellores universidades do mundo
    Por terceiro ano consecutivo, a clasificación elaborada polo Academic Ranking of World Universities sitúa a USC no intervalo 401-500 das mellores universidades a nivel mundial. A USC consolida así unha posición que mantén dende 2020 e colócase no chanzo 9-11 das institucións destacadas pola listaxe na contorna estatal.