Ir o contido principal
iniciar sesión

Notas

  • A UDC lidera un consorcio internacional para crear unha nova xeración de robots autónomos
    Crear robots máis autónomos que resolvan situacións reais no sector agroalimentario, no entretemento educativo, no campo da produción industrial non estruturada e no comercio. Este é o obxectivo principal do proxecto PILLAR-Robots (Purposeful Intrinsically motivated Lifelong Learning Autonomous Robots), un consorcio internacional liderado desde o Centro de Investigación TIC (CITIC) da UDC.
  • Ponse en marcha o proceso para a creación do novo Centro de Investigación en Industria Intelixente en Ferrol
    O conselleiro de Cultura, Educación, Formación Profesional e Universidades, Román Rodríguez, e o reitor da Universidade da Coruña, Julio Abalde, asinaron esta mañá o convenio polo que a Xunta aporta o financiamento para a realización do proxecto do novo edificio do Campus de Ferrol, o Centro de Investigación en Industria Intelixente, Ci3.
  • O ex director do CERN Rolf Heuer conmemora na USC o X aniversario do descubrimento do bosón de Higgs
    'Sabía que o tiñamos (I knew we had it)' é o título do relatorio que este mércores pronuncia na Nerd Nite o que fora director do CERN, Rolf Heuer, entre os anos 2009 a 2015, para conmemorar o décimo aniversario do descubrimento do bosón de Higgs. Ademais de Rolf Heuer, interveñen na Nerd Nite o profesor da USC e investigador do IGFAE, José Edelstein, e Pier Paolo Giardino, investigador distinguido do IGFAE.
  • A UDC acolle as xornadas 'A Coruña global no mundo do S.XXI' organizadas polo IGADI
    O Centro Universitario de Riazor acollerá as xornadas 'A Coruña global no mundo do S.XXI', organizadas polo IGADI en colaboración co Concello da Coruña. Estas xornadas, que chegan á segunda edición, teñen como obxectivo explorar as posibilidades e potencialidades da Coruña como cidade intermedia global, no marco da acción exterior galega, española e europea, aliñada como unha cidade comprometida coa Axenda 2030.
  • Emilio Pérez Touriño formula en 'El horizonte europeo' unha alegación europeísta a prol dunha UE unida
    Socialdemocracia, Estado Nación, Unión Europea e federalismo constitúen os catro conceptos chave arredor dos cales reflexiona Emilio Pérez Touriño na súa obra El horizonte europeo, presentada este luns no Centro de Estudos Avanzados da USC. O reitor Antonio López e o director do Servizo de Publicacións e Intercambio Científico, Juan Luis Blanco Valdés, acompañaron a Pérez Touriño no acto.
  • A Cova de Eirós, premio da Crítica de Galicia 2022 a Iniciativas Culturais e Científicas
    O traballo desenvolvido polo departamento de Historia da USC foi recoñecido no marco dos Premios da Crítica 2022, na categoría dirixida a iniciativas culturais e científicas. O xurado salientou 'a importante dimensión espacial e temporal dunha iniciativa cultural e científica de longo alento, que abre as portas ao coñecemento do Paleolítico no territorio galego'.
  • Chega á Coruña a segunda edición de Cinema Rabudo, a mostra galega de audiovisual inconformista
    O Fórum Metropolitano da Coruña acollerá os días 1, 2 e 3 de decembro a segunda edición de Cinema Rabudo, a mostra galega de audiovisual inconformista que naceu no outono de 2021 co obxectivo de xerar un espazo de encontro para o audiovisual crítico e incitar o debate e a reflexión sobre problemáticas sociais de actualidade. Na súa segunda edición, o Cinema Rabudo mantén a aposta por proxectar documentais sociais, pero de alta factura técnica.
  • A UDC acolle un encontro internacional para analizar a incidencia do cambio climático na saúde e na vida das persoas
    A Escola Técnica Superior de Arquitectura da Universidade da Coruña acollerá un encontro internacional no que se analizará a incidencia do cambio climático na saúde e na vida das persoas. Organizado polo grupo de investigación Persoa-Ambiente da UDC, que coordina a profesora Cristina García Fontán, desenvolverase no salón de graos da Escola do 21 ao 25 de novembro coa presenza de destacados especialistas de Xapón, Arxentina e Estados Unidos.
  • Novo pulo para potenciar o galego no eido tecnolóxico a través do Proxecto Nós
    O 'Proxecto Nós: O galego na sociedade e na economía da Intelixencia Artificial', co que se pretende valorizar a lingua galega na contorna dixital e xerar os recursos necesarios para situala na vangarda das tecnoloxías intelixentes, acaba de recibir un novo pulo a través do Proxecto Estratéxico para a Recuperación e Transformación Económica (PERTE) da Nova Economía da Lingua.
  • Un foro aborda a situación do turismo rural en Galicia e os seus retos de futuro
    A Facultade de Ciencias Empresariais e Turismo do campus de Ourense acolleu este martes pola tarde o Foro de Turismo Rural. Nel, Enric López, co-director do Observatorio do Turismo Rural en España, presentou datos de turismo rural en Galicia, e celebrarase unha mesa redonda sobre as necesidades, potencialidades e retos deste sector na comunidade autónoma.