Ir o contido principal
iniciar sesión

Notas

  • 'Voilà la Femme' reúne seis reflexións sobre cuestións de xénero forxadas en Belas Artes
    Achegarse “á arte de seis mulleres, que desde múltiples linguaxes” formulan nos seus proxectos unha reflexión “en torno a cuestións sociais e de xénero diversas”. Isto é, segundo destaca a súa comisaria, Celeste Garrido, o que propón a XXVII edición da exposición colectiva Voilà la Femme, que desde este martes pode visitarse na sede do Ateneo Santa Cecilia de Marín.
  • Un equipo da USC desenvolve unha aplicación para optimizar os tempos de ventilación das aulas
    Un equipo da da USC desenvolveu unha aplicación online froito dun traballo de investigación académica que agora se pon a disposición dos centros escolares de maneira voluntaria. A finalidade desta ferramenta será seguir mellorando o confort térmico nas aulas a través de pautas de ventilación adecuadas que optimizan o tempo necesario de renovación do aire.
  • A Rede de Dinamización Lingüística pecha o ano con máis de 400 actividades e 202 entidades participantes
    A Rede de Dinamización Lingüística (RDL) desenvolveu ao longo do ano 2020 un importante labor na visibilización e extensión do uso da lingua galega que se materializa en máis de 400 accións de promoción do uso social de idioma desenvoltas nas súas entidades, cun importante investimento que ascendeu a máis de 900.000 €, gran parte deles xestionados desde o Fondo de Proxectos Culturais Xacobeo 2021.
  • A Xunta recoñece as boas prácticas en materia de educación inclusiva de oito centros educativos galegos
    A Xunta de Galicia acaba de recoñecer o traballo de oito centros educativos galegos co Premio Boas Prácticas de Educación Inclusiva 2020, convocados pola Consellería de Cultura, Educación e Universidade. Este galardón ten como obxectivo impulsar a atención á diversidade e a inclusión educativa, difundir as boas prácticas de inclusión que se realizan nos centros docentes así como recoñecer o labor que, neste sentido, está a desenvolverse actualmente nos centros educativos.
  • A USC adhírese a ‘The Conversation’, a principal plataforma mundial de divulgación do coñecemento
    O persoal docente e investigador e o alumnado de doutoramento da USC poderán escribir na plataforma divulgativa ‘The Conversation’ España (TCES) sobre asuntos relacionados co seu campo de especialización. O acordo selado entre ambas as dúas institucións permitirá o acceso á principal canle mundial de difusión do coñecemento que emana das universidades.
  • Seis días de teatro en Ourense para que o público infantil poida 'respirar' este Nadal
    En tempos de pandemia e restricións, a Mostra de Teatro Infantil de Ourense (Moti) volve á programación co lema “arte para respirar”. O certame, que celebra este ano a súa 17 edición, traerá este Nadal a diferentes escenarios da cidade 17 representacións de 13 compañías estatais. Con algo menos dun terzo do seu aforo habitual e apostando por uns espazos culturais “seguros”, a cita terá lugar o día 22 e do 26 ao 30 de decembro e un ano máis entre as súas entidades promotoras está a Universidade de Vigo.
  • Internacionalismo e pacifismo centran o último número de 'Sarmiento. Revista Galego-Portuguesa de Historia da Educación'
    O último número de 'Sarmiento' xa está dispoñible on-line baixo o título Internacionalismo e pacifismo na historia da educación contemporánea. Este volume 24 da publicación, editada anualmente polas tres universidades galegas e varias homólogas lusas, está coordinado por Xosé Manuel Cid, da Universidade de Vigo, e Joaquim Pintassilgo, do Instituto de Educación da Universidade de Lisboa.
  • 'Ponte... nas ondas!' celebra o seu 25 aniversario
    Ponte...nas ondas! segue recollendo diversas testemuñas de apoio á súa traxectoria. Escolas, Universidades, asociacións e personalidades de Galicia e Portugal están achegando o seu apoio a Ponte...nas ondas! neste 25 aniversario. Moitos destes apoios forman parte ademais da candidatura coa que, administracións galegas e portuguesas, impulsan a candidatura da asociación para optar á Lista das Mellores Prácticas co Patrimonio Cultural Inmaterial da UNESCO.
  • Preto de 40 especialistas de sete países para comprender o mundo a través da obra de Saramago
    “A obra, o pensamento e o activismo de Saramago proporcionan múltiples e impresionantes representacións do noso mundo e propoñen diferentes respostas aos problemas que enfrontamos”, salientan os responsables da Cátedra José Saramago (CJS) da Universidade de Vigo no texto de presentación da quinta edición da conferencia internacional dedicada a afondar na obra e traxectoria do Nobel portugués e pola en relación con diversas problemáticas sociais, económicas, políticas ou ecolóxicas.
  • Impulsión educativa no Concello de Begonte
    O Concello de Begonte está efectuando xestións coa Consellería de Cultura, Educación e Universidades e coa Asociación Músico Crisanto, para consolidar e impulsar a acción educativa no Concello, da que van resultar beneficiados os estudantes do concello e zonas limítrofes. Por unha parte, estúdiase a fusión dos dous colexios existentes no Concello -Baamonde e Begonte- nun só, que totalizaría algo máis dun cento de alumnos máis os que poidan incorporarse de zonas limítrofes